Böyük Britaniya İndoneziyada keçiriləcək G20 sammitində Rusiya Prezidenti Vladimir Putinin siyasətini tənqid edəcək.
Bu barədə “The Daily Telegraph” Britaniyanın Baş naziri Rişi Sunakın bəyanatına istinadən yazıb.
Siyasətçinin sözlərinə görə, söhbət Rusiyanın Ukraynadakı hərəkətlərindən və Moskvanın beynəlxalq əməkdaşlıq və suverenlik məsələləri ilə bağlı destruktiv addımlarından gedir.
“Bu G20 sammiti həmişəki kimi olmayacaq. Biz Putin rejimini tənqid edəcəyik”, - Sunak əmin edib.
Bundan əvvəl Krallığın Maliyyə Nazirliyinin rəhbəri Ceremi Hant demişdi ki, Britaniyadakı tənəzzülə görə məsuliyyət Rusiyanın üzərinə düşür. Onun sözlərinə görə, dünyada inflyasiyaya və faiz dərəcələrinin artmasına səbəb olan vəziyyəti yaradan Moskva olub.(Publika.az)
