Sloveniyada prezident seçkilərinin bazar günü keçirilən 2-ci turunda bülletenlərin 99,95 %-nin hesablanmasından sonra bitərəf namizəd, hüquqşünas Nataşa Pirs-Musar lider olub.
Senzor.az yerli KİV-ə istinadən bildirir ki, Dövlət Seçki Komissiyasının (DSK) saytında dərc olunan məlumatda belə deyilir.
DSK-nın məlumatına görə, o, 53,88 faiz səs toplayıb. Respublikanın Xarici İşlər Nazirliyinin keçmiş rəhbəri, Sloveniya Demokratik Partiyasından olan deputat Anje Loqara seçicilərin 46,12 %-i səs verib.
54 yaşlı Musar hüquqşünasdır, o seçkilərdən əvvəl insan haqları, qanunun aliliyi və sosial rifahla bağlı kampaniya aparıb. Nataşa Pirs-Musar ölkə tarixinə ilk qadın dövlət başçısı kimi düşüb.
