Rusiya hakimiyyəti mətbuatda ukraynalı uşaqların məcburi övladlığa götürülməsini açıq şəkildə reklam etməyə başlayıb.
UNİAN xəbər verir ki, ABŞ-ın Müharibənin Öyrənilməsi İnstitutunun (ISW) məlumatına görə, bunu Donbasdan rus ailələrinə övladlığa götürülmüş bir neçə ukraynalı uşağın iştirakı ilə çəkilmiş videogörüntülər də sübut edir. Videolarda həmçinin iddia edilir ki, Rusiya rəsmiləri təkcə 2022-ci ildə Donbasdan 150 mindən çox uşağı aparıblar.
“Uşaqların kütləvi şəkildə övladlığa götürülməsi Rusiya əhalisinin azaldılmasının qarşısını almaq məqsədi də daşıya bilər”,- məlumatda vurğulanıb.
Analitiklər Rusiyanın uşaq ombudsmanı Mariya Lvova-Belovanın ukraynalı uşaqların zorla çıxarılmasını və Rusiya Federasiyasında övladlığa götürülməsini qəti şəkildə dəstəklədiyinə də işarə ediblər. Hətta onun özünün Mariupoldan olan uşağı övladlığa götürdüyü də bildirilib.
