Qətərdə keçiriləcək futbol üzrə dünya çempionatı zamanı stadionlarda spirtli içki satışı qadağan edilib.
Bu barədə Beynəlxalq Futbol Federasiyasının (FİFA) bu gün yayımladığı bəyanatda bildirilib.
“Qətər rəsmiləri ilə FİFA arasında aparılan danışıqlar zamanı qərara alındı ki, spirtli içkilər, o cümlədən, pivə yalnız xüsusi müəyyən olunmuş nöqtələrdə satıla biləcək, belə satış nöqtələri stadionların ərazisindən çıxarılacaq”, – bəyanatda qeyd olunub.
Qətər hökuməti bir müddət əvvəl bu qərarı elan etsə də, sonra etirazlar səbəbi ilə qərarı ləğv etmişdi.
Həmçinin əlavə olunub ki, alkoqolsuz pivə hələ də bütün azarkeşlər üçün əlçatan olacaq.
Xatırladaq ki, 2022-ci il futbol üzrə dünya çempionatı noyabrın 20-də start götürəcək və dekabrın 18-dək davam edəcək.(APA)
