Böyük Britaniyanın keçmiş baş naziri Boris Conson Kolorado-Sprinqsdə (ABŞ) keçirilən konfransda Amerika sığorta agentləri və brokerləri qarşısında çıxışına görə 276 min 130 funt-sterlinq (təxminən 316 min avro) alıb.
“Bild” nəşri bu barədə Britaniya reyestrinə istinadən məlumat yayıb.
Qeyd edilib ki, Conson 30 dəqiqəlik çıxış və 45 dəqiqəlik söhbət də daxil olmaqla səkkiz saat yarımlıq iş üçün məhz bu məbləğdə qonorar alıb.
Bununla da keçmiş baş nazirin qonorarı saatda təxminən 32500 funt-sterlinq (37 min avrodan çox) təşkil edib.
