ABŞ Prezidenti Co Bayden Tehranın nüvə silahı əldə etməsinin qarşısını almaq üçün bütün variantları nəzərdən keçirəcək.

TASS bildirir ki, bunu jurnalistlər üçün keçirilən növbəti brifinqdə Ağ Evin Milli Təhlükəsizlik Şurasının strateji kommunikasiyalar üzrə koordinatoru Con Kirbi deyib.

Ondan Tehranın Fordodakı nüvə obyektində IR-6 sentrifuqaları kaskadından istifadə etməklə uranı 60%-ə qədər zənginləşdirməyə başlaması ilə bağlı yayılan xəbərlərə münasibət bildirməsi xahiş olunub.

“Biz bu məlumatı görmüşük. Əmin etmək istəyirik ki, Birləşmiş Ştatlar Prezidentinin ixtiyarında bütün variantlar var. Şübhəsiz ki, biz mövqeyimizi dəyişməmişik və İrana nüvə silahı yaratmaq imkanı verməyəcəyik”, - deyə o vurğulayıb.