Çin və Rusiya beynəlxalq vəziyyətin dəyişməsindən asılı olmayaraq koordinasiya və əməkdaşlığı gücləndirmək niyyətindədirlər.
Bunu Rusiyanın Çindəki səfiri İqor Morqulovla görüşündə Çinin xarici işlər naziri Vanq Yi deyib.
“Beynəlxalq mühitdə hansı dəyişikliklərin baş verməsindən asılı olmayaraq, iki böyük qonşu olan Çin və Rusiya strateji qarşılıqlı etimadı və əməli əməkdaşlığı gücləndirəcək, öz aralarında hərtərəfli strateji tərəfdaşlıq və koordinasiyanı dərinləşdirəcək, beynəlxalq aləmdə qərəzsizliyi və ədaləti birgə müdafiə edəcəklər”, - deyə nazir əlavə edib.
O, həmçinin Morqulovun Çinə səfiri təyin olunmasını alqışlayıb və Pekinin ona işində dəstək verəcəyini bildirib.(“Report”)
