İranla münasibətdə ABŞ beynəlxalq nüvə sazişini yeniləmək üçün dayandırılmış danışıqlardan daha çox Rusiyaya silah ötürülməsini dayandırmağa diqqət yetirəcək.
Bu barədə “Bloomberg” məlumat yayıb.
ABŞ-ın İran üzrə xüsusi nümayəndəsi Robert Malli deyib ki, Tehran nüvə sazişini yeniləməkdə maraqlı deyil və Beynəlxalq Atom Enerjisi Agentliyinin bir neçə obyektdə tapılan zənginləşdirilmiş uran hissəcikləri ilə bağlı təhqiqatına mane olmaqda davam edir.
Avqustun sonundan etibarən Avropa İttifaqı ölkələri ilə İran arasında danışıqlar rəsmi olaraq dayandırılmasa da, davam da etdirilməyib.
Buna görə də ABŞ, Mallinin fikrincə, indi əsas diqqətini İrandan Rusiyaya silah tədarükünü pozmağa, gecikdirməyə və dayandırmağa yönəldəcək.
O əlavə edib ki, İran Rusiya Federasiyasına raketlər ötürsə və ya hərbi istehsal müəssisələrinin tikintisinə kömək etsə, o zaman “yeni limiti” keçəcək.
