Gürcüstan rəsmiləri Ukraynaya hərbi yardım edə bilməz və etməyəcək.
Bunu Gürcüstan parlamentinin hakim “Gürcü Arzusu” fraksiyasının rəhbəri Mamuka Mdinaradze jurnalistlərə açıqlamasında deyib.
O vurğulayıb ki, Gürcüstan Ukraynaya tam siyasi dəstək verir və humanitar yardımlar edir, lakin hərbi yardım göstərə bilməz.
Mdinaradze, hərbi yardımla bağlı müraciətə rədd cavabı verilməsini Gürcüstanın özünün Abxaziya və Cənubi Osetiya ilə bağlı problemlərinin olması ilə əlaqələndirib.
Qeyd edək ki, Ukraynanın Gürcüstandakı müvəqqəti işlər vəkili Andrey Kadyanov bildirib ki, Kiyev dəfələrlə Tbilisiyə hərbi və ya ikili təyinatlı vasitələrin nəqli ilə bağlı müraciətlər edib, lakin Tbilisi bu müraciətlərə məhəl qoymayıb.(APA)
