İranda türkmən qadın həkim təhlükəsizlik güvvələri tərəfindən qətlə yetirilib.
İnsan haqları müdafiəçilərinin sözlərinə görə, əslən Türkmənsəhra türkmənlərindən olan və Tehranın "Çəmran" xəstəxanasında işləyən gənc həkim Ayda Rüstəmi təhlükəsizlik güvvələri tərəfindən oğurlanıb və öldürülüb.
O, dekabrın 12-də işdən çıxdıqdan sonra yoxa çıxıb. Polis onun meyitini iki gün sonra ailəsinə təhvil verib və avtomobil qəzasında öldüyünü, sonra isə özünü körpüdən ataraq intihar etdiyini iddia edib.
Ayda Rüstəmiyə məxsus şəxsi əşyaların ailəsinə verilmədiyi, ailənin məsələni ictimailəşdirməməsi ilə bağlı təhdid edildiyi bildirilir.
