Yaponiya və ABŞ hökumətləri Prezident Cozef Baydenin 1945-ci ildə Amerika tərəfindən atom bombasına məruz qalan Naqasaki şəhərinə səfərini təşkil etməyi düşünür.

Qazeta.ru xəbər verir ki, bu barədə Yaponiya hökumətindəki mənbələrə istinadən “Yomiuri” nəşri məlumat yayıb.

Nəşrdə qeyd olunub ki, bu baş verərsə, Bayden Naqasakiyə səfər edən ilk ABŞ Prezidenti olacaq.

Bildirilir ki, hazırda Vaşinqton və Tokio bu səfərlə bağlı danışıqlar aparırlar. Yekun qərar Naqasakinin ABŞ nümayəndə heyətinin qalmasına hazırlığının hərtərəfli qiymətləndirilməsindən sonra veriləcək. Burada yerli sakinlərin də bu məsələyə münasibəti nəzərə alınacaq.

Səfər 2023-cü il mayın 19-21-də Xirosimada keçiriləcək G7 sammitindən sonra baş tuta bilər.

Xatırladaq ki, Naqasakiyə atılan atom bombası nəticəsində 1945-ci ilin sonunadək 74 min insan həlak olub.