“Fatih” qazma gəmisi Çaycuma-1 yatağında dənizin 3323 metr dərinliyində 58 milyard kubmetr təbii qaz ehtiyatı aşkar edib.

Senzor.az yerli KİV-ə istinadən bildirir ki, bunu Türkiyə Prezidenti Rəcəb Tayyib Ərdoğan Nazirlər Kabinetinin toplantısı ardından verdiyi açıqlamada deyib.

Dövlət başçısının sözlərinə görə, ölkəsinin Qara dənizdəki qaz ehtiyatı 710 milyard kubmetrə çatıb.

“Qara dənizdə kəşf etdiyimiz təbii qazın həcmi bugünkü rəqəmlərlə beynəlxalq bazarlarda 1 trilyon dollar dəyərindədir”, - deyə Ərdoğan vurğulayıb.

Türkiyə lideri, həmçinin əlavə edib ki, ölkəsi Xəzər dənizi, Mərkəzi Asiya və Aralıq dənizi bölgələri üçün enerji mərkəzinə çevirilməkdə qərarlıdır.