Türkiyədə FETÖ terror təşkilatına qarşı növbəti əməliyyat keçirilib.
"TRT Haber" bildirir ki, bu barədə Konya Prokurorluğu məlumat yayıb.
Qeyd olunub ki, əməliyyat Konya başda olmaqla, eyni vaxtda ölkənin 4 vilayətində həyata keçirilib. Əməliyyat çərçivəsində ümumilikdə 3 nəfər saxlanılıb.
Saxlanılanların FETÖ-nün hərbi sferada şəbəkələşməsində iştirakına dair əsaslı şübhələrin olduğu bildirilib.
Məlumatda o da deyilir ki, hazırda saxlanılanlarla bağlı araşdırmalar aparılır və əməliyyatlar bundan sonra da davam etdiriləcək.
