Rusiya Prezidenti Vladimir Putin Çin lideri Si Cinpinlə danışıqlar zamanı iki ölkə arasındakı münasibətlərin əməkdaşlıq nümunəsi olduğunu bildirib və onu 2023-cü ildə Moskvaya dəvət edib.
Bu barədə “Komsomolskaya Pravda” məlumat yayıb.
“Münasibətlərimiz ləyaqətlə bütün sınaqlara sinə gərir, yetkinlik və sabitlik nümayiş etdirir və dinamik şəkildə genişlənməkdə davam edir”, - Rusiya Prezidenti bildirib.
O, həmçinin vurğulayıb ki, gələn ilin yazında Çin Xalq Respublikası sədrinin Moskvaya rəsmi səfərini gözləyir.
“Bu, bütün dünyaya əsas məsələlər üzrə Rusiya-Çin əlaqələrinin gücünü nümayiş etdirəcək və ikitərəfli münasibətlərdə ilin əsas siyasi hadisəsinə çevriləcək”, - V.Putin qeyd edib.
