"95 yaşında vəfat edən Fəxri Roma Papası XVI Benediktin dəfn mərasimi yanvarın 5-də keçiriləcək".
Bu barədə Müqəddəs Taxt-tacın Mətbuat Xidmətinin rəhbəri Matteo Bruni məlumat verib.
Bruninin sözlərinə görə, mərasim səhər saat 9:30-da Müqəddəs Pyotr meydanında başlayacaq və mərasimə Roma Papası Fransisk rəhbərlik edəcək.
Xatırladaq ki, Fəxri Roma Papası XVI Benedikt bu gün səhər saat 9:34-də Vatikanın Mater Ekklesia monastırında vəfat edib.
**14:22
Qeyri-adi addım ataraq 2013-cü ildə taxt-tacdan əl çəkdikdən sonra “Təqaüddə olan pontifik” titulunu alan XVI Benedikt (Yozef Rattsinqer) bu gün 95 yaşında vəfat edib.
“Alman dalğası”nın verdiyi xəbərə görə, Benedikt 2013-cü ilin fevralına sağlıq durumunu əsas gətirərək pontifik postundan istefa verib.
Bununla da o, 1415-ci ildən sonra ilk Roma Papasıdır ki, könüllü olaraq Roma Katolik Kilsəsinin rəhbəri postundan imtina edib.
XVI Benedikt 500 il sonra Müqəddəs Taxtda olmuş ilk almandır.
