Türkiyə, Suriya və Rusiya xarici işlər nazirlərinin görüşü yaxın günlərdə Birləşmiş Ərəb Əmirliklərində (BƏƏ) baş tuta bilər.
Bu barədə “RT Arabic” telekanalı Türkiyə mənbələrinə istinadən məlumat yayıb.
Bildirilib ki, Suriya Prezidenti Bəşər Əsəd bu ilin yanvarın 4-də BƏƏ nümayəndə heyətinə başçılıq edərək Dəməşqə səfər edən xarici işlər və beynəlxalq əməkdaşlıq naziri Abdullah bin Zeid Əl Nəhyan ilə danışıqlar aparıb.
Xatırladaq ki, bir müddət əvvəl Türkiyənin xarici işlər naziri Mövlud Çavuşoğlu Suriya hökumətinə nazirlər səviyyəsində danışıqlar aparmağı təklif edib. Onun sözlərinə görə, bu görüşlər üçüncü ölkədə baş tuta bilər.
