Dağıstanın sabiq baş naziri Maqomed Abdulayev yol qəzasının qurbanı olub.

Senzor.az yerli KİV-ə istinadən bildirir ki, hadisə yanvarın 5-də Mahaçqalada baş verib.

Belə ki, piyada keçidində vurulan 61 yaşlı M.Abdulayev xəstəxanaya çatdırılsa da, onun həyatını xilas etmək mümkün olmayıb.

Qeyd edək ki, Maqomed Abdulayev Maqomedsalam Maqomedovun respublikanın başçısı (2010-2013-cü illər, hazırda Rusiya Prezident Administrasiyası rəhbərinin müavinidir) və Dmitri Medvedevin Prezident (hazırda Rusiya Təhlükəsizlik Şurasının sədr müavinidir) olduqları dövrdə Dağıstan hökumətinin sədri işləyib.

M.Abdulayev respublika hökumətinin sədri postundan getdikdən sonra Dağıstan Pedaqoji Dövlət Universitetinə rəhbərlik edib.