İranda nümayişlər zamanı həbs edilən Məhəmməd Mehdi Kərəmi və Seyid Məhəmməd Hüseyni Kərəc şəhərində edam edilib.

Mizan Xəbər Agentliyinin məlumatına görə, onlar İnqilab Keşikçiləri Ordusunun "Bəsic" üzvü Seyid Ruhullah Əcəmyanın ölümündə ittihamı ilə edam cəzasına məhkum edilmişdilər.

Qeyd edək ki, ötən il noyabrın 3-də Tehran yaxınlığındakı Kərəc şəhərindəki nümayişlər zamanı təhlükəsizlik qüvvələrinə hücum edərək bir "Bəsic" üzvünü bıçaqlayaraq qətlə yetirməkdə təqsirli bilinən 16 nəfər mühakimə olunub, müttəhimlərdən 5-i ölüm cəzasına məhkum edilib.

Edam cəzasına məhkum edilən 3 nəfər haqqında qərar fayldakı nöqsanlar nəzərə alınaraq ləğv edilib və yenidən iş açılıb.

İş üzrə mühakimə olunan 11 müttəhimə “uzunmüddətli həbs” cəzası verilib.