“İran potensial olaraq Ukraynadakı hərbi cinayətlərdə şərik ola bilər”.

Senzor.az yerli KİV-ə istinadən bildirir ki, bunu jurnalistlərə açıqlamasında ABŞ Prezidentinin milli təhlükəsizlik məsələləri üzrə müşaviri Ceyk Sallivan deyib.

Onun sözlərinə görə, ABŞ Rusiyanın Ukraynada hərbi əməliyyatlar zamanı istifadə etdiyi pilotsuz uçuş aparatlarının tədarükü ilə bağlı İrana iqtisadi təzyiqlərini artıracaq: “Biz özümüz həm Rusiya, həm də İrandakı təşkilatlara bu cür əməliyyatları çətinləşdirmək üçün bir sıra müxtəlif sanksiyalar tətbiq etmişik. Onların silahları Ukraynada dinc sakinləri öldürmək və şəhərləri soyuq və qaranlığa qərq etmək üçün istifadə olunur ki, bu da bizim nöqteyi-nəzərimizə görə, İranı potensial olaraq irimiqyaslı hərbi cinayətlərə şərait yarada biləcək vəziyyətə gətirir. Odur ki, İranın xərclərini artırmaq üçün müxtəlif vasitələrdən istifadə etməkdən çəkinməyəcəyik”, - deyə o bildirib.