Əfqanıstanın paytaxtı Kabildə Xarici İşlər Nazirliyinin (XİN) yaxınlığında baş verən partlayış nəticəsində ölənlərin sayı 21 nəfərə çatıb. Ölənlərin arasında nazirliyin əməkdaşları da var.
Bildirilib ki, terrorçu-kamikadze Kabilin mərkəzində yerləşən radikal “Taliban” hərəkatının qurduğu Əfqanıstanın müvəqqəti hökumətinin Xarici İşlər Nazirliyinin binasına girməyə cəhd edib.
“Terrorçu-kamikadze nazirliyə girməyə cəhd edib, lakin təhlükəsizlik orqanları onu binanın qapısının qarşısında aşkar edib. Bundan sonra terrorçu özünü partladıb”, - “Taliban” hökumətində Baş nazirin ofisinin rəhbərinin müavini Əhmədullah Müttəki tviter səhifəsində məlumat verib.
**17:00
Əfqanıstanın paytaxtı Kabildə Xarici İşlər Nazirliyinin yaxınlığında partlayış törədilib.
“Əl-Cəzirə” telekanalı xəbər verir ki, terrorçu-kamikadze nazirliyin binasına daxil olmağa cəhd edən zaman özünü partladıb.
Nəticədə ən azı 7 nəfər ölüb, 10 nəfər xəsarət alıb.
