Misir və Səudiyyə Ərəbistanı İrana qarşı birgə bəyanat yayıblar.

Azvision.az xəbər verir ki, birgə bəyanatda bu ölkələr İrandan nüvə öhdəliklərini yerinə yetirməsini və "Tehranın ərəb ölkələrinin daxili işlərinə müdaxiləni və sabitliyi pozan addımları" dayandırmasını tələb ediblər.

Misir və Səudiyyə Ərəbistanının xarici işlər nazirlərinin Ər-Riyaddakı görüşündən sonra yaydığı Təqib və Siyasi Məşvərət Komitəsinin birgə bəyanatında tərəflər “İranın beynəlxalq nüvə öhdəliklərinə və nüvə proqramının sülhməqsədli olmasına zəmanət verməsinin vacibliyini” vurğulayıblar.