Türkmənistan parlamenti ikipalatalı sistemdən birpalatalı sistemə keçib.
Senzor.az bildirir ki, bu barədə Türkmənistanın rəsmi televiziyası məlumat yayıb.
Telekanal bildirib ki, Türkmənistan parlamenti palatalarının yanvarın 21-də keçirilən birgə iclasının yekunlarına görə, ölkə konstitusiyasına əlavə və dəyişikliklərlə bağlı müvafiq konstitusiya qanunu layihəsi baxılması üçün Türkmənistan Prezidenti Serdar Berdiməhəmmədova göndərilib. Prezident qanun layihəsinə baxıb və onu imzalayıb.
Eyni zamanda, Türkmənistanda geniş səlahiyyətlərə malik Xalq Şurası yaradılıb, Qurbanqulu Berdiməhəmmədov Şuranın sədri təyin edilib. İclasda Qurbanqulu Berdiməhəmmədovun həm də ölkənin milli lideri olması haqda qərar qəbul edilib.
Prezidenti Serdar Berdiməhəmmədov bu qərarı da təsdiqləyib.
