Türkiyə Prezidenti Rəcəb Tayyib Ərdoğan “İlk səsim AK Partiyaya, ilk səsim Ərdoğana” proqramı çərçivəsində Bursada gənclərlə görüşüb.

Senzor.az yerli KİV-ə istinadən bildirir ki, o, ölkənin ümidi olan gənclərlə görüşməkdən məmnun olduğunu bildirib.

Dövlət başçısı çıxışında prezidenti seçkilərinin tarixini də açıqlayıb.

“Mayın 14-də keçiriləcək seçkilərdə ilk dəfə səs verəcək siz dəyərli gənclərimizə yoldaş olmağı bizə nəsib etdiyi üçün Rəbbimə şükür edirəm”, - deyə Ərdoğan bəyan edib.

Qeyd edək ki, Ərdoğan bundan öncə də prezident və parlament seçkilərinin mayın 14-də keçiriləcəyinə işarə etmişdi.