İsrailin Yerusəlim şəhərində sinaqoqa silahlı hücumla bağlı polis 42 nəfəri saxlayıb.
“Al Arabiya” bildirir ki, saxlanılanlar barəsində araşdırma aparılacaq.
Bundan əvvəl “The Jerusalem Post” terrorçunun Fadi Ayeş adlı şəxs olduğu barədə yazmışdı. Bildirilirdi ki, ibadətdən çıxan insanlara atəş açan terrorçu daha sonra avtomobilinə minərək hadisə yerindən qaçmaq istəyib, amma polis onu zərərsizləşdirib.
O da vurğulanmışdı ki, Fadi Ayeş HƏMAS-ın üzvü olub.
Xatırladaq ki, ötən gecə İsrailin Yerusəlim şəhərindəki Neve Yaakov məhəlləsində sinaqoqa silahlı hücum olub. Hadisə nəticəsində 8 nəfər ölüb, 10 nəfər isə yaralanıb.
Yerli polis baş vermiş hadisəni terror hücumu adlandırıb.
Senzor.az
