“Rusiyanın Ukraynaya hücumundan əvvəl Vladimir Putinlə telefonla danışdım və o məni raket hücumu ilə hədələdi”.

Senzor.az yerli KİV-ə istinadən bildirir ki, bunu Böyük Britaniyanın keçmiş baş naziri Boris Conson deyib.

Conson Putinə müharibənin tamamilə fəlakətlə nəticələnəcəyi, Qərbin sanksiyaları və Rusiya sərhədlərində NATO qoşunlarının mövcudluğunun artmasına səbəb olacağı barədə xəbərdarlıq etdiyini xatırladıb.

O, Rusiya Prezidentinə Ukraynanın yaxın gələcəkdə Alyansa qoşulmayacağını da bildirib: “Bir anda o məni hədələdi və dedi: "Boris, mən sənin xətrinə dəymək istəmirəm, ancaq raket zərbəsi ilə bu, bir dəqiqə çəkəcək" və ya buna bənzər bir cümlə işlətdi”.

Conson, həmçinin müharibə zamanı Ukrayna Prezidenti Volodimir Zelenskiyə təhlükəsiz yerə köçmək üçün necə kömək təklif etdiyini xatırladıb: "Amma o mənim təklifimi qəbul etmədi. O, qəhrəmancasına olduğu yerdə qaldı".