Almaniyanın "Lufthansa" aviaşirkəti təhlükəsizlik tədbirləri ilə əlaqədar İrana uçuşları dayandırıb. Buna səbəb bir neçə gün öncə İsfahan şəhərində yerləşən sursat fabrikinə PUA hücumlarının olmasıdır.
Şirkətin yaydığı məlumatda deyilir ki, "Beynəlxalq səlahiyyətlilər, "Lufthansa Group Security" Tehran hava limanı və bütün İran hava məkanına dair gəliş-gedişlər üçün təhlükəsizlik vəziyyətini qiymətləndirməyə davam edir”.
Həmçinin qeyd edilir ki, ətraflı məlumatlar əldə edildikdən sonra İrana uçuşlarının yenidən həyata keçirilə biləcəyinə və ya bunun nə vaxt həyata keçiriləcəyinə qərar veriləcək.
Maraqlıdır ki, Avstriya və İsveçrə aviaşirkətləri də bazar günü Tehrana uçuşları ləğv ediblər. Bu qərarın da İrana PUA hücumları ilə bağlı olduğu vurğulanır.
