Almaniya hakimiyyəti köhnə "Leopard 1" tanklarının Ukraynaya göndərilməsinə müsbət cavab verib.
AzVision.az xəbər verir ki, belə açıqlama ilə Almaniya Nazirlər Kabinetinin rəsmi nümayəndəsi Şteffen Hebeştreit çıxış edib.
"Mən təsdiq edə bilərəm ki, artıq bir icazə var", - Hebeştreit deyib. O, bu mövzuda əlavə məlumat verə bilməyəcəyini də vurğulayıb.
Xatırladaq ki, bundan əvvəl yerli KİV Berlinin yaxın günlərdə bu modeldən olan 88 tankı Kiyevə ötürə biləcəyini yazmışdı. Eyni zamanda, məlum döyüş maşınları üçün kifayət qədər sursatın da olmadığı deyilirdi. Çünki onlar artıq istehsaldan çıxarılıb.
