ABŞ Türkiyə ilə danışıqlar zamanı Ankaradan Rusiyaya mal ixracını dayandırmağı tələb edib.
“Bloomberg” yazır ki, iddiaya görə, həmin məhsullardan bəziləri Moskvaya müharibəni davam etdirməyə yardımçı olur.
Qeyd olunub ki, Türkiyə rəsmiləri ilə danışıqları ABŞ maliyyə nazirinin terrorla mübarizə və maliyyə kəşfiyyatına nəzarət edən müavini Brayan Nelson aparıb. O bildirib ki, Türkiyədən Rusiyaya sanksiya tətbiq edilən on milyonlarla dollar dəyərində malların ixracı qeydə alınıb. Onların bəziləri Rusiya Federasiyası Müdafiə Nazirliyinin maraqları üçün istifadə edilə bilər.
Bildirilir ki, yaxın həftələrdə ABŞ və Avropa rəsmiləri bu məsələni müzakirə etmək üçün yenidən Türkiyəyə səfər etmək niyyətindədirlər.
