Murmanskda naməlum şəxs hərbi komissarlığın binasını yandırıb.

“Mash” telegram kanalı bildirir ki, hadisə fevralın 23-də Kapitan Orlikov küçəsində baş verib.

Tezliklə yerli sakinlərdən biri yanıq qoxusunu hiss edərək 112-yə zəng edib.

Hadisə yerinə gələn yanğınsöndürənlər açıq alovu söndürüblər. Yanğın nəticəsində binanın pəncərə çərçivəsi yanıb. 

İlkin məlumatlara görə, hücum edən şəxs hərbi komissarlığın pəncərəsinə alışan maddə dolu şüşə atıb.

Hazırda hüquq-mühafizə orqanları yanğın törədənin kimliyini müəyyənləşdirirlər.

Senzor.az xatırladır ki, son vaxtlar ölkədə növbəti kütləvi hərbi səfərbərlik elan olunacağı barədə xəbərlər yayılır...