Daxili işlər naziri Suella Braverman hökumətin kiçik qayıqların qanunsuz yollarla İngilis Kanalından (The English Cnannel) keçməsini dayandırmaq üçün nəzərdə tutulmuş yeni qanun layihəsini açıqlayıb.

Xəbərə görə, nazir bildirib ki, Qeyri-qanuni Miqrasiya Qanunu Böyük Britaniyaya on minlərlə qanunsuz yollarla insan gətirən qayıqları dayandıracaq. O bildirib ki, qanunsuz yollarla ölkəyə daxil olan şəxslər ölkədən çıxardılana qədər girov və ya məhkəmə qərarı olmadan 28 gün həbsdə saxlana biləcəklər. Nazir qeyd edib ki, yalnızca 18 yaşından balaca olanlar, səhhəti uçmaq üçün əlverişli olmayanlar, və ya qayıdarsa çox riskli vəziyyətdə olacaq şəxslərin ölkədən kənarlaşdırılması ləngidiləcək.

Suella Braverman qeyd edib ki, son illərdə on minlərlə sığınacaq axtaran şəxs Böyük Britaniyaya qəbul edilib. Daxili işlər naziri qlobal miqrasiya böhranı səbəbindən gələcəkdə Britaniyaya gəlmək istəyəcək insanların sayının artacağını deyir. O qeyd edib ki, bütün dünya bilməlidir ki, Britaniyaya qeyri-qanuni daxil olanda tutulacaqsınız və sürətlə ölkədən çıxarılacaqsınız: “Yoxsa miqrantlar Britaniyaya gəlməyi dayandırmayacaqlar”,- deyə o, qeyd edib.(APA)