Yaponiyanın Baş naziri Fumio Kişida Ukraynaya səfər edib.
Senzor.az-ın xəbərinə görə, Fumio Kişida Kiyevə gəlib.
Sosial şəbəkələrdə Yaponiyanın Baş nazirinin Kiyevdə dəmir yolu vağzalında fotosu yayılıb.
**10:16
Hindistana səfərini başa vuran Yaponiyanın Baş naziri Fumio Kişida Ukraynaya yola düşüb.
Senzor.az bildirir ki, bu barədə Yaponiyanın Kyodo agentliyi hökumətdəki mənbələrə istinadla xəbər yayıb. O, Kiyevdə Prezident Volodimir Zelenski ilə görüşəcək.
Agentlik yazır ki, adətən Yaponiyanın Baş nazirinin xaricə səfərindən əvvəl ictimaiyyətə açıqlama verilirdi. Bu dəfə ənənə pozulub.
Bildirilir ki, səfər Yaponiyanın Ukraynaya dəstəyini nümayiş etdirir.
Xatırladaq ki, bu, F. Kisidanın Rusiyanın hərbi təcavüzü başlayandan bəri Ukraynaya ilk səfəridir. O, Yeddilik Qrupu (G7) ölkələrinin başçılarının Ukraynaya səfər etməmiş sonuncu lideri idi.
