"Biz Ukraynaya qalib gəlməsi üçün lazım olan dəstəyi ehtiyac olduğu müddətdə verməliyik".
Senzor.az xarici KİV-ə istinadən bildirir ki, bunu NATO Baş katibi Yens Stoltenberq Norveçin Baş naziri ilə birgə keçirdiyi mətbuat konfransında deyib.
Stoltenberq bildirib ki, o, Norveç hökumət başçısı ilə Rusiyanın Ukraynaya qarşı amansız təcavüzkar müharibəsini müzakirə edib.
"Mən Norveçin Ukraynaya əhəmiyyətli maliyyə, humanitar və hərbi yardımını alqışlayıram. Buraya hava hücumundan müdafiə sistemləri, tanklar, artilleriya sursatları və Ukrayna əsgərləri üçün təlim daxildir. Biz Ukraynaya qalib gəlməsi üçün lazım olanı, nə qədər lazımdırsa, təmin etməyə davam etməliyik", - Stoltenberq vurğulayıb.
