Gürcüstan-Rusiya sərhədinə gedən və Rusiya ilə Ermənistanı birləşdirən Yuxarı Lars yolu bütün növ nəqliyyat vasitələri üçün bağlanıb.

Senzor.az bildirir ki, bu barədə "Sputnik Armeniya" Ermənistanın Rusiyadakı səfirliyinin gömrük attaşesi Vaan Akopyana istinadən məlumat yayıb.

Bildirilib ki, hərəkət qadağası Mtsxeta-Stepantsminda-Lars beynəlxalq avtomobil yolunun Qudauri-Kobi hissəsində qar yağması, temperaturun aşağı düşməsi və uçqun təhlükəsi ilə əlaqədar tətbiq edilib.

O da qeyd olunub ki, hava şəraiti normallaşandan sonra yolda bütün nəqliyyat vasitələrinin hərəkəti tam bərpa ediləcək.