Avropa Komissiyasının rəhbəri Ursula fon der Leyen NATO-nun yeni baş katibi ola bilər.

Belə iddianı "The Sun" nəşri diplomatik mənbəyə istinadən yazıb.

Bildirilib ki, Leyenin Avropa Komissiyasının sədri kimi səlahiyyət müddəti gələn ilə qədər başa çatacaq. Diplomatik mənbə qeyd edib ki, bir sıra NATO üzvü olan ölkələr ona bu ilin oktyabrında alyansa rəhbərlik etməyi təklif ediblər.

Qeyd olunur ki, fon der Leyeni qeyri-şəffaf seçim prosesində qalib gəlmək üçün çətin mübarizə gözləir. Belə ki, bu addım Avroskeptikləri qəzəbləndirə bilər.

Qeyd edək ki, hazırkı baş katib Yens Stoltenberq Ukrayna münaqişəsinə görə səlahiyyət müddətini uzatdıqdan sonra bu ilin sonunda istefa verməlidir. Rəsmi seçkilər olmur və Alyans yeni lideri konsensusla özəl olaraq seçir. Amerikalılar adətən öz namizədlərini irəli sürmürlər, çünki ABŞ generalı ənənəvi olaraq Avropada Müttəfiq Qüvvələrin Ali Baş Komandanı vəzifəsini icra edir. Bununla belə, Ağ Evin kimin vəzifəyə gələcəyinə çox təsiri var.