Rusiya Ukraynadakı böyük miqyaslı itkilərə baxmayaraq, sülh yolunu seçmək istiqamətində heç bir işarə göstərmir.
Bunu NATO Baş katibi Yens Stoltenberq Çex Respublikasının Prezidenti ilə birgə keçirdiyi mətbuat konfransında deyib.
“Ukraynada verdiyi böyük miqyaslı itkilərə baxmayaraq, biz Prezident Putinin sülh yolunu seçməsi, bu istiqamətdə addım atması ilə bağlı heç bir işarə görmürük”, - Stoltenberq bildirib.
O deyib ki, Çex Respublikasının Prezidenti ilə görüşündə Ukraynaya yardım məsələsi müzakirə olunub.
“Ukraynanı dəstəkləmək mənəvi məsələdir. Bu ölkə suverenliyi, azadlığı, mövcudluğu uğrunda savaşır. Ukraynanı müdafiə etmək həmçinin bizim təhlükəsizlik marağımıza uyğundur.
Eyni zamanda, Ukraynada törədilənlərə qarşı insanlar qayğısız qala bilmir”, - NATO Baş katibi vurğulayıb.(APA)
