Silahlı şəxslər Xartumdakı Kobar həbsxanasına hücum ediblər.

Rbc.ua-nın məlumatına görə, bu yer Sudanın keçmiş prezidenti Ömər əl-Bəşir və onun rejiminin bir çox funksionerlərinin saxlanılması ilə tanınır.

Bundan az əvvəl cəzaçəkmə müəssisəsinin divarları yaxınlığında ordu hissələri ilə çevik reaksiya bölmələri arasında toqquşma olub.

Məlumata görə, Əl-Bəşir və onun tərəfdaşlarının bir qismi qaçmağa müvəffəq olublar.

Xatırladaq ki, bir neçə gün əvvəl Kobar həbsxanası artilleriyadan atəşə tutulub. Nəticədə beş məhbus ölüb.

Sudanda həssas obyektlərə hücumlar davam edir.