İsrail bazar günündən bazar ertəsinə keçən gecə Suriyanın cənub-qərbindəki Quneytra əyalətindəki mövqelərə artilleriya zərbələri endirib.

Bu barədə RİA Novosti öz hərbi mənbəyinə istinadən məlumat yayıb.

"İsrail artilleriyası Kürs ən-Nəfəl istiqamətində 12, Quneytra əyalətinin şimalındakı Hader qəsəbəsinin qərbindəki digər hədəflərə isə 8 mərmi atıb", - mənbə bildirib.

Atəş nəticəsində hər hansı ziyanın olub-olmaması barədə məlumat verilməyib. 

Qeyd edək ki, bundan əvvəl İsrail Hərbi Hava Qüvvələrinin Dəməşq ətrafına raket zərbələri endirdiyi barədə məlumat yayılmışdı.