İsrailin Baş naziri Benyamin Netanyahu Qüdsün mərkəzində avtomobilin piyadaları vurması hadisəsini terror aktı adlandırıb.
Senzor.az bildirir ki, bu barədə Baş nazirin Ofisi məlumat yayıb.
“Əgər onlar bacarsaydılar hamımızı öldürərdilər. Lakin onlar yox, biz qalib gəldik. Biz bədəl ödəyərək möhtəşəm polis və ordu ilə möhtəşəm ölkə yaratmışıq”, - deyə məlumatda bildirilib.
Xatırladaq ki, Qüdsün mərkəzində avtomobil bir qrup piyadanın üzərinə sürülüb, bir neçə nəfər xəsarət alıb, avtomobilin sürücüsü yerindəcə zərərsizləşdirilib.
“The Jerusalem Post” qəzetinin yazdığına görə, insident Qüds şəhərinin mərkəzində ən sıx alış-veriş yerlərindən biri olan Mahane Yehuda bazarının yaxınlığında baş verib.
