Polşanın şimal-qərb hissəsində olan Bıdqoş şəhəri yaxınlığındakı meşədə raket qalıqları tapılıb.

Bu barədə Polşanın Milli Müdafiə Nazirliyi “Twitter” səhifəsində məlumat yayıb.

Paylaşımda həmçinin qeyd edilir ki, naməlum hərbi obyektin qalıqları Bıdqoşdan təxminən 15 kilometr aralıda olub və yerli sakinlər narahatlıq keçirməyə bilərlər. Çünki bu situasiya onları təhdid etmir.

Polşanın RMF radiosu müdafiə nazirliyindəki mənbələrinə istinadən məlumat yayıb ki, qalıqlar çox güman ki, milli orduya aid olan “hava-yer” tipli raketə aiddir.(AzVision.az)