Fransa Konstitusiya Şurası parlamentarilərin pensiya yaşının 62-yə endirilməsi ilə bağlı referendumun keçirilməsi tələbini rədd edib.
Bu barədə Konstitusiya Şurası məlumat yayıb.
Məlumata görə, Fransanın keçmiş baş naziri Loran Fabiusun sədrlik etdiyi və ümumilikdə 9 üzvdən ibarət Konstitusiya Şurası pensiya yaşının aşağı salınması ilə bağlı referendumun keçirilməsi tələbini müzakirə edib.
Referendum tələbinin Fransa konstitusiyasının 11-ci maddəsinə əsasən “islahat” təşkil etmədiyi səbəbi ilə rədd edildiyi bildirilib. Konstitusiyanın 11-ci maddəsinə əsasən, prezident və müəyyən sayda parlamentarilər Fransanın iqtisadi və ya sosial siyasətində islahatlar təklif edə bilərlər.
Xatırladaq ki, Pensiya islahatının əleyhinə olan 253 deputat pensiya yaşının 62-yə endirilməsi ilə bağlı referendum keçirilməsi tələbini aprelin 13-də Konstitusiya Şurasına təqdim etmişdi.
