NATO-nun Yaponiyada ofis açmaq niyyəti və şərqə doğru irəliləməsi regionda sabitliyi pozacaq.
Bunu Çin Xarici İşlər Nazirliyinin rəsmi nümayəndəsi Mao Nin bəyan edib.
“NATO-nun Asiya-Sakit Okean regionunda daim şərqə doğru genişlənməsi, regional işlərə müdaxilə, regional sülh və sabitliyi pozmaq cəhdləri, blokların qarşıdurması istəyi region ölkələrindən sayıqlığın artırılmasını tələb edir”, - deyə o, brifinq zamanı bildirib. Onun sözlərinə görə, Asiya “geosiyasi döyüşlərə səhnə olmamalıdır”.
Qeyd edək ki, Çin və Rusiyanın geosiyasi çağırışlarını nəzərə alaraq, NATO Cənubi Koreya, Avstraliya və Yeni Zelandiya kimi təhlükəsizlik tərəfdaşları ilə danışıqları asanlaşdırmaq üçün Yaponiyada ilk əlaqə ofisini açmağı planlaşdırır. Ofis gələn il Tokioda açılmalıdır.
