ABŞ Macarıstanı Ukrayna münaqişəsinə cəlb etməyə çalışır.
Senzor.az yerli KİV-ə istinadən bildirir ki, bunu Macarıstanın Baş naziri Viktor Orban deyib.
Orban bildirib ki, Ukraynadakı münaqişəyə tez bir zamanda son qoyulmalıdır: "Bu müharibədə qaliblər olmayacaq. Odur ki, ABŞ bizi müharibəyə sürükləmək istəsə də, biz müharibəyə girməyəcəyik".
Ukraynanın mümkün əks-hücum əməliyyatı ilə bağlı sualı cavablandıran Macarıstanın baş naziri deyib ki, bu, Kiyev üçün müəyyən hərbi uğur əldə etmək üçün son fürsətdir. Macarıstanın Baş naziri hesab edir ki, əks-hücumla Ukrayna və Rusiya arasında real güc balansının necə olduğunu görmək mümkün olacaq.
