Ümumdünya Səhiyyə Təşkilatının (ÜST) rəhbəri Tedros Adhanom Qebreyesus dünya səhiyyəsində meymunçiçəyi ilə bağlı fövqəladə vəziyyətin başa çatdığını açıqlayıb.
Bununla bağlı brifinq beynəlxalq təşkilatın “Twitter” səhifəsində yayımlanır.
“Meymunçiçəyi və koronavirusl fövqəladə halları sona çatsa da, təkrarlanan hadisələrin dalğası təhlükəsi qalmaqdadır. Hər iki virus yayılmağa və öldürməyə davam edir", Qebreyesus əlavə edib.
ÜST-ün məlumatına görə, xəstəlik ötən ilin may ayından müxtəlif ölkələrdə yayılmağa başlayıb.
2022-ci ilin iyulunda ÜST meymunçiçəyi ilə əlaqədar fövqəladə vəziyyət rejimi elan edib.
Qeyd edək ki, ÜST keçən həftə koronavirusun yayılması səbəbindən dünyada elan edilmiş fövqəladə vəziyyətin başa çatdığını elan edib.
