Romada səfərdə olan Ukrayna Prezidenti Volodimir Zelenski İtaliya Prezidenti Sercio Mattarella və bu ölkənin Baş naziri Corciya Meloni ilə görüşüb.
Bu barədə Ukrayna mətbuatı yazıb.
"Ukraynanın dəstəklənməsi üzrə ardıcıl mövqeyə görə minnətdarlığımı bildirirəm. Rusiya təcavüzünə müqavimət göstərməyə imkan verən mühüm hərbi yardımı yüksək qiymətləndiririk. Lazımi yardımın vaxtında alınması döyüş meydanındakı uğurumuzun açarıdır", - V.Zelenski bildirib.
**14:37
Ukrayna prezidenti Vladimir Zelenski Romaya səfər edib. O, dövlət rəhbərləri ilə bir sıra görüşlər keçirəcək.
Bu barədə ölkə prezidenti Telegramda məlumat verib.
"Ukraynanın qələbəsi üçün vacib səfərdir", - Zelenski deyib. O, Romada İtaliya prezidenti Sercio Mattarella, baş nazir Corc Maloney və Roma Papası Fransisklə görüşəcək.
Eyni zamanda, Prezident Aparatının rəhbəri Andriy Yermak əlavə edib ki, Ukrayna nümayəndə heyəti Zelenski ilə birlikdə koalisiyanı gücləndirmək üçün Romaya gəlib.
**09:21
Roma rəhbərliyi Ukrayna Prezidenti Volodimir Zelenskinin səfəri ilə əlaqədar təhlükəsizlik tədbirlərini gücləndirmək qərarına gəlib.
Bu barədə “La Repubblica” qəzeti məlumat yayıb.
Bildirilib ki, Ukrayna dövlət başçısının səfəri ilə əlaqədar İtaliya paytaxtının hava məkanı bağlanacaq.
Qeyd edilib ki, təhlükəsizlik tədbiri polis helikopterlərinin köməyi ilə həyata keçiriləcək. Bundan başqa, V.Zelenskinin səfəri ilə əlaqədar dəmiryol vağzallarında və hava limanlarında nəzarət gücləndiriləcək.
Xatırladaq ki, V.Zelenskinin İtaliyaya səfəri mayın 13-nə planlaşdırılıb.
