Rusiya İrandan mindən çox pilotsuz təyyarə və digər silah alıb.
Senzor.az yerli KİV-ə istinadən bildirir ki, bunu Ukrayna Prezidenti Volodimir Zelenski deyib.
Ukrayna lideri qeyd edib ki, Rusiyaya qarşı tətbiq edilən sanksiyalar sayəsində Rusiya Federasiyasında istehsal olunan raketlərin sayı xeyli azalıb.
"Başqa silahlar da var. Bizdə dəqiq məlumat var, onlar bunu bu yaxınlarda ediblər", - Prezident vurğulayıb.
Eyni zamanda Prezident əlavə edib ki, hava hücumundan müdafiə vasitələri sayəsində Ukrayna özünü bu dronlardan müdafiə etməyi bacarır.
Yeri gəlmişkən, bazar günü gecə bütün Ukraynada hava xəbərdarlığı elan edilib. Ölkənin Rəqəmsal Transformasiya Nazirliyinin onlayn xəritəsində verilən məlumata görə, sirenalar Bakı vaxtı ilə saat 04:42-dən başlayıb. Bundan əvvəl Ukraynanın cənubunda, şərqində və mərkəzi hissəsində hava həyəcanı elan edilib.
