Ukrayna prezidenti Vladimir Zelenski Almaniya kansleri Olaf Şolts danışıqlar aparmaq üçün bazar günü Federal Kanslerin ofisinə gəlib.
Bundan əvvəl o, Almaniya prezidenti Frank-Valter Ştaynmayerlə görüş keçirib.
Məlumata görə, Şolts Zelenskini Almaniyaya dövlət səfəri deyil, işgüzar səfərdə olmasına baxmayaraq, onu hərbi şərəflə qəbul edib.
Danışıqlardan sonra kansler və Ukrayna prezidenti mətbuata danışacaqlar.
**12:02
Ukrayna prezidenti Vladimir Zelenski almaniyalı həmkarı Frank-Valter Ştaynmayerlə görüşür.
APA xəbər verir ki, Ukrayna liderinin Almaniya prezidentinin iqamətgahına gəlişinin görüntüləri n-tv kanalı tərəfindən yayılıb.
Zelenskinin səfər proqramı gizli saxlanılır.
Qeyd edək ki, əvvəllər onun mayın 13-14-də Almaniyaya səfəri ilə bağlı mətbuatda ancaq qeyri-rəsmi məlumat var idi.
