Böyük Britaniya Ukraynaya uzaqmənzilli pilotsuz uçuş aparatları (PUA) göndərəcək.
Məlumatı "Reuters" agentliyi Britaniya hökumətinə istinadən yayıb.
Bildirilib ki, Ukraynaya 200 kilometrdən çox mənzilə malik yüzlərlə PUA veriləcək. Britaniya hökuməti, həmçinin hava hücumundan müdafiə sistemləri üçün raketlərin də göndəriləcəyini açıqlayıb.
Açıqlamada deyilir ki, PUA-lar bir neçə ay ərzində Ukraynaya gətiriləcək.
Xatırladaq ki, bu gün, mayın 15-də Ukrayna Prezidenti Volodimir Zelenski Böyük Britaniyaya səfər edib. O, Böyük Britaniyanın Baş naziri Rişi Sunak ilə danışıqlar aparacaq .
