Gürcüstanın paytaxtı Tbilisidə Rusiya ilə birbaşa uçuşların ləğvi tələbi ilə aksiya keçirilir.
Senzor.az yerli KİV-ə istinadən bildirir ki, mitinq iştirakçıları Moskvanın birbaşa reyslərə qoyulan qadağanı aradan qaldırmaq və gürcülər üçün viza rejimini ləğv etmək qərarına Gürcüstan hakimiyyətinin müsbət reaksiyasını tənqid edirlər.
Onlar ölkə rəhbərliyindən Tbilisi ilə Moskva arasında tezliklə başlanacağı gözlənilən birbaşa reyslərə qadağa qoyulmasını tələb edirlər.
Qeyd edək ki, etiraz aksiyası parlament binasının arxasında keçirilir və yerli telekanallar tərəfindən canlı yayımlanır.
