Ukrayna Prezidenti Volodimir Zelenski Yaponiyanın Hirosima şəhərində “Böyük yeddilik” (“G7”) ölkələrinin sammiti çərçivəsində Fransanın dövlət başçısı Emmanuel Makronla görüşüb.
Bu barədə V.Zelenskinin Mətbuat xidmətindən bildirilib.
O, Kiyevə hərbi yardıma görə fransalı həmkarına təşəkkür edib.
Qeyd edək ki, V.Zelenski “Böyük yeddilik” ölkələrinin sammitinə qatılmaq üçün Yaponiyada səfərdədir.
Xatırladaq ki, “G7” Böyük Britaniya, Almaniya, İtaliya, Kanada, Fransa, Yaponiya və ABŞ-ı birləşdirən qeyri-rəsmi beynəlxalq klubdur.
**17:20
Ukrayna prezidenti Vladimir Zelenski Xirosimada Yeddilik Qrupu (G7) sammiti çərçivəsində Hindistanın Baş naziri Narendra Modi ilə görüşüb.
TASS xəbər verir ki, bu, onların Rusiyanın Ukraynada xüsusi hərbi əməliyyatı başlamasından bəri ilk görüşüdür.
“Yaponiyaya səfərim və G7 sammitində iştirakım çərçivəsində mən Hindistanın Baş naziri Narendra Modi ilə görüşdüm”, – Zelenski Teleqram kanalında yazıb.
Zelenski Modiyə Kiyevin irəli sürdüyü “sülh formulu” haqda danışıb və Hindistanı ona qoşulmağa dəvət edib.
Ukrayna prezidenti sammit çərçivəsində həmçinin,Böyük Britaniyanın Baş naziri Rişi Sunak və İtaliyanın Baş naziri Corca Meloni ilə görüşüb.
**15:17
Ukrayna Prezidenti Volodimir Zelenski Yaponiyanın Hirosima şəhərində “Böyük yeddilik” (“G7”) ölkələrinin sammiti çərçivəsində Böyük Britaniyanın Baş naziri Rişi Sunakla görüşüb.
Bu barədə V.Zelenskinin Mətbuat xidmətindən bildirilib.
O, Rusiya ilə müharibədə Kiyevə verdiyi dəstəyə görə R.Sunaka təşəkkürlərini çatdırıb.
Tərəflər Ukrayna Prezidentinin mayın 14-də Britaniyaya səfəri zamanı əldə olunan razılaşmaların icrası barədə fikir mübadiləsi aparıblar.
Qeyd edək ki, V. Zelenski “Böyük yeddilik” ölkələrinin sammitinə qatılmaq üçün Yaponiyada səfərdədir.
Xatırladaq ki, “G7” Böyük Britaniya, Almaniya, İtaliya, Kanada, Fransa, Yaponiya və ABŞ-ı birləşdirən qeyri-rəsmi beynəlxalq klubdur.
**11:32
Ukrayna Prezidenti Volodimir Zelenski Hirosimada keçirilən “Böyük Yeddilik” (G7) ölkələrinin sammitində iştirak etmək üçün Yaponiyaya səfər edib.
TASS xəbər verir ki, bu barədə Yaponiya Xarici İşlər Nazirliyi (XİN) məlumat yayıb.
Yaponiya XİN-in məlumatına əsasən, daha əvvəl Ukrayna dövlət başçısının sammitdə onlayn rejimdə iştirak edəcəyi gözlənilirdi. Qeyd edilib ki, V.Zelenski sonradan sammitdə şəxsən iştirak etmək istəyib və Yaponiya hökuməti bu təklifi qəbul edib.
