Prezident Salome Zurabişvili Gürcüstan Hava Yollarının xidmətlərindən istifadə etməyəcəyini bəyan edib.

“İzvestiya” nəşri bildirir ki, o bu barədə brifinqdə jurnalistlərin suallarına cavab verərkən danışıb.

“Mən özüm üçün “Georgian Airways” şirkətini boykot edirəm”, – deyə Gürcüstan Prezidenti vurğulayıb.

Dövlət başçısı həmvətənlərini onun boykotuna qoşulmağa çağırıb.

Qeyd edək ki, “Georgian Airways” aviaşirkəti 4 illik fasilədən sonra bu gün Rusiyaya birbaşa uçuşları bərpa edib. Gürcüstanla Rusiya arasında hava nəqliyyatının bərpası ölkədə birmənalı qarşılanmayıb, xüsusən müxalifətin etirazlarına səbəb olub.